Рафаэль Дмитриевич Ермолаев 1931 сыллаахха ыам ыйын 1 күнүгэр Мэҥэ-Хаҥалас улууһун Моорук нэһилиэгэр төрөөбүтэ.
Оҕо сааһа сэрии ыар сылларыгар ааспыта, ыарахан үлэ сыратын кыра эрдэҕиттэн билбитэ. Эрдэ ааҕа үөрэммит буолан сахалыы кинигэлэри ааҕара, эһэтэ кэпсиир саха номохторун, остуоруйаларын истэн, уус-уран тыл сүмэтин иҥэринэн улааппыта. Ол иһин, бастакы тахсыбыт кинигэтин эһэтигэр анаабыта.
Оскуола сылларыгар Рафаэль Ермолаев литератураны интэриэһиргиир, Андрей Анисимов уонна Абытай-Роман Брызгалов курдук уһулуччулаах учууталларга үөрэнэр, “Ача” литературнай куруһуокка көхтөөхтүк кыттар. Оскуоланы бүтэрэн баран Дьокуускайдааҕы тыа хаһаайыстыбатын техникумугар үөрэнэр, онтон педагогическай институкка “Сэргэлээх уоттара» литературнай куруһуокка сылдьар, онно биллиилээх поэттары кытта билсэр. «Кыым» хаһыат культуратын отделыгар үлэлии сылдьан Саха биллиилээх поэттарын кытта билсиһэр, бодоруһар кыахтаммыта.
Тыа хаһаайыстыбатын техникумун бүтэрэн баран, төрөөбүт Мэҥэ- Хаҥалас оройуонугар төннүбүтэ, онно ветеринарнай салааҕа үлэлээбитэ. Кэлин литературанан дьарыктанарга сананан, профессиональнай суруйааччы буоларга быһаарыммыта. Рафаэль Баҕатаайыскай Саха государственнай университетын историко-филологическай факультетын бүтэрбитэ.
Кини ССКП КК иһинэн Үрдүкү партийнай оскуоланы бүтэрэн, ССКП Саха обкомугар, «Хотугу сулус» сурунаалга уонна республикатааҕы радиоҕа, араас издательстволарга редактор дуоһунаһыгар үлэлээбитэ. Икки тылынан тахсар “Чуораанчык” (Колокольчик) оҕо сурунаалыгар редактордаабыта.
Рафаэль Баҕатаайыскай айымньылаах үлэтин таһынан общественнай үлэҕэ көхтөөх кыттыыны ылара. Кини регион культурнай олоҕор көхтөөхтүк кыттара, араас литературнай мероприятиеларга кыттара, эдэр автордары кытта көрсүһүүлэри тэрийэрэ. Араас хайысхалаах киһи буолан, литератураҕа эрэ буолбакка, общественнай үлэҕэ, Саха сиригэр культура уонна искусство сайдыытыгар улахан көмөлөөх буолбута.
Суруйааччы үлэтэ, Рафаэль Баҕатаайыскай эдэр талааннары иитиигэ улахан болҕомтотун уурара. Саҥа автордар наставниктара буолан, уопуттарын үллэстэн, айар суолу- ииһи булалларыгар көмөлөспүтэ. Ол курдук, Саха литературатын сайдыытыгар кини кылаата чахчы биллэр уонна элбэх олуктаах этэ.