Home

Константин Николаевич Дьячковскай-Туйаарыскай 1915 сыллаахха бэс ыйыгар Абаҕа тыатыгар Аммаҕа төрөөбүтэ.
К. Н .Дьячковскай—Туйаарыскай төрөөбүт төрүт араспаанньата — Феофанов. Дьячковскай диэн иитиллибит дьонун араспаанньатынан суруллубут.

«Чыаппаан саппыйата» Сулҕаччы нэһилиэгин сиригэр киирсэр, Сэргэ-Бэстэн чугас, Мигири үрэҕин уҥа өттүгэр, тыа быыһыгар бүгэн сытар кыракый алаас.
Бу алаас - САССР культуратын үтүөлээх үлэһитэ, биллиилээх суруйааччы, оҕо-аймах тапталлаах поэта Константин Николаевич Дьячковскай-Туйаарыскай төрүттэрин төрүт олоҕо.

Тоҕус саастааҕыттан үөскээбит-иитиллибит сирэ-дойдута —
Мэҥэ-Ханалас оройуона, Мэлдьэхси нэһилиэгэ (Хорообут).
Уулаахха олорбут өтөхтөрө.
Олоҕун үгүс өттүн олорбут буолан, бу сири төрөөбүт дойдутунан ааҕара.

Кини тыа оскуолатын 6 кылааһын бүтэрэн баран, үөрэхтээх киһи тиийбэтинэн сибээстээн, араас культурнай-сырдатар тэрилтэлэргэ үлэлээбитэ.

Саамай бастаан оҕо хоһооннорун 1936 сыллаахха суруйбутун,
«Бэлэм буолга» биир балаһанан таһаарбыттара (Архип Абаҕыыныскай редактордаан олорон хайҕаабыта).
Ол хоһооннорун ааҕааччылар сөбүлээбиттэрэ.

1937-1940 сыллара Майаҕа “Колхуос кырдьыга” диэн оройуон хаһыатыгар литературнай үлэһитинэн үлэлээбитэ. Бу сылларга хоһоон суруйуутунан күүскэ дьарыктаммыта. 1938 сыллаахха хомсомуол тэриллибитэ 20 сылын туолар үбүлүөйүгэр оҕо литературатыгар куонкурус биллэриллибитэ. Көстөкүүн Туйаарыскай “Күнүс, били соҕотох олорон...” диэн поэмата бириэмийэҕэ тиксибитэ.

Өр кэмнэргэ кини оройуоннааҕы уонна республикатааҕы хаһыаттарга араас дуоһунастарга үлэлии-үлэлии, литературанан дьаныардаахтык дьарыктаммыта.

Хаартыскаҕа: Майаҕа оройуоннааҕы “Колхоз кырдъыга” хаһыат уонна типография улэһиттэрин кытта

30-с сыллар бүтүүлэрин диэки К. Туйаарыскай айымньылара араас хаһыаттарга уонна сурунаалларга бэчээттэнэр буолан бартара. Ол гынан баран кини бастакы кинигэтэ „Мутукча“ диэн ааттанан 1952 сыллаахха күн сирин көрбүтэ. Манна түмүллүбүт хоһоонноругар поэт төрөөбүт дойду кэрэтин, кини хас хонон турдахпыт аайы, үлэни таптыыр дьон күнүнэн, өссө тупсан, киэргэйэн иһэрин туһунан уустаан-ураннаан оҕо-аймахха сэһэргээбитэ.

1957 сыллаахха поэт „Айанньыт“ диэн ааттаах иккис кинигэтин кыра уонна орто саастаах оҕолорго анаан таһаартарбыта.

1957 сыллаахтан ССРС СС чилиэнэ.

Кэпсээнҥэ кыра-кыратык холонон көрбүтэ.
Сэрии кэнниттэн «Хотугу сулуска» Герой Попов туһунан «Ат үрдүттэн» диэн кэпсээнэ тахсыбыта.
Сэрии саҕанааҕы колхоз олоҕуттан «Дьон күлүгэр» диэн пьесаны суруйбута.

К. Туйаарыскай кэргэнэ Варвара кийиитэ Лидияны, сиэннэрэ Туйаараны, Минадораны, Виссариону кытта.
1982 с

1976 сыллаахха кулун тутар 20 күнүгэр өлбүтэ.
Майа кылабыыһатыгар көмүллүбүтэ.

Данил Петрович Алексеевтыын.
Амма.
1926 с., атырдьах ыйын 15 кунэ

Сэрии иннинэ уонна сэрии кэмигэр суруйааччы Дмитрий Тааһы кытары бэрт чугастык билсибитэ.
Дьокуускайга киирдэҕинэ Константин Николаевич табаарыһын быһа ааспат буолара. Дмитрий Самсоновичтыын көннөрү табаарыстыы кэпсэтэллэрин таһынан, кэпсэтиилэрин сүнньэ литература уонна суруйааччылар тустарынан ахтыһаллара.

Доҕордуулар: Семен Руфов, Константин Туйаарыскай, Баал Хабырыыс, Петр Тобуруокап.

Поэт Г.Г.Вешников—Баал Хабырыыстыын.
Крым. 1959 с., ахсыннъы 23 кунэ

П.Тобуруокап, К. Туйаарыскай, Н.Габышев, В.Катаев, Л.Кассиль, Н.Мординов.
Улан-Үдэ, 1961 с.

Саха народнай суруйааччыларын кытта .
1967 с.

Суруйааччылар Суорун Омоллоон, К.Туйаарыскай,
Күннүк Уурастыырап, С.Никифоров

Константин Туйаарыскай 60 сааһын үбүлүөйүгэр суруйааччылар — Хорообукка.
Олороллор: Иван Егоров, Суорун Омоллоон, Константин Туйаарыскай, Куннук Уурастыырап.
Тураллар: Реворий Кривогорницын, Улуро Адо, Варвара Потапова, Тайман Дьуугэ, Багдарыын Сулбэ, Семен Никифоров.
1975 с., бэс ыйын 10 кунэ